يابناااااااااات اب طريقة الخبز الهندي الشاباااااااتي والبارتي

[بنت_الامارات]

مرحباااااااااااااا اب طريقة الخبز الهندي البارتي والشاباااااااااااااتي منووووووووووووووووو تعرف فيكن ...


:clap::clap::clap::clap::clap:

[نور الهدى]

السلام عليكم ورحمة الله وبركاته

مرحبا أختىالفاضلة بنت الامارات

بحاول اشوف لج الطريقة ولا يهمك يا الغالية

[uuo]

الخبز الشباتي هو عباره عن دقيق رقم1 مع قليل ملح وقليل حليب نيدوويعجن بماء تكون عجينه الخبز وتطبق ثم تخبز في التوه مع قليل زيت ثم بلهنا والعافية ;) ;) ;)

[المبدعة]

حبيبتى الغاليه

تسلمين انا بعد ابغى الطريقة

بس لو نلاحظ ان الاخت uuo حطت الطريقة بس للأسف الظاهر انها نست تضع لنا المقادير بالضبط فأتمنى انها تحط لنا المقادير .. وصحتين وعافية

[ورقة خريف]

هلا ...
تبين الطريقة كامله و لا الطريقة على السريع ..


سلامــــــي .. ورقة خريف

[المبدعة]

هلا وغلا حبيبتى

اذا ممكن الطريقة بالكامل

[ملاك الورد]

في طريقه أعرفها وهي لذيييييييييييييييييييييذه يارتنا الباكستانيه دايما تطرشلنا :D2:D2 بس ما كانت تقوللنا شو تحط لين يت خدامتنا وسوت تشريح للخبزة وكشفتلنا سرها :cool2:


طبعا كمية المقادير بالضبط ما اعرف بس بقوللكم عالمقادير وطريقة العمل .....


المقادير .........

طبعا طحين رقم 1
شوي ملح
ماء
بطاطا مهروسه
بقدونس
حبات الكمون ( سنوت ما ادري سنوط ):pain:

طريقة العمل ...........

اتيبون الطحين وترشون شوية ملح عليها وبعدين تعجنونها بالماء وبعدين تكورونها ......

وبعدين هاتوا كورتين وافردوهن بالعصا الخاصه بالعجين .. ووزعواالبطاطا المهروسه على وحده منهن ورشوا عليها شوي من حبات الكمون والبقدونس وغطوها بالثانيه يعني مثل ما تسوون الفطاير المحشوه تقريبا .. وبعدين حطوها على الزيت ... .........:up:

سووها وقولولي رايكم ........:cool2: ترا هالوصفه عطتني اياها الخدامه انا عن نفسي طلعت لذيييذه بس اذا ما عيبتكم لا تدعوون علي :D2:D2

[أوركيـــــــــد]

عزيزتي بنت الامارات، سمحيلي اذا متأخرة وايد في الرد لكن بس عسب اني عضوة يديدة في المنتدى وتوني مشتركة ما واحالي،،، على العموم انا عندي مقادير الباراتا وماخذتنها من طباخنا،، لكن اسمهيها غاوية ،، جربي وقولي لي شو رايج،، اما الجاباتي فلين الحينه ما كتبتها،، لكن اذا بغيتيها ضروري خبريني وبطرشلج على طول،، هاج المقادير:

باراتا

المقادير:

1 كيلو طحين رقم 1. (4 أكواب)
2 فنجان سكر.
3 ملاعق صغيرة حليب نيدو.
1 بيضة.
1 ملعقة زيت.
¼ ملعقة ملح.

الطريقة:

-نخلط المقادير بعضها البعض وبعد أن تكون عجينة متجانسة ومتماسكة نقطعها قطع صغيرة ونفردها وننمسح وجهها بفرشاة زيت.
-نخدش وجه العجينه بالسكين بحيث تتنفس، ثم نلفها على شكل دائري ونجعلها ترتاح لمدة 10 دقائق.
-نفرد كل قطعة على حده ونقلبها على مقلاة شبيه بمقلاة خبز الرقاق بعد مسح وجه المقلاة بزيت خفيف.
-عند تقليبها على النار يتم الضغط عليها بملعقة كبيرة حتى تحمر ويتم الضغط على الجوانب بعد رفعها عن النار عشان تتكسر شوي وبالهناء والشفاء.

[أوركيـــــــــد]

وعلى فكرة بعد،، عندي طريقة خبز لذيذة يسويها بشكارنا بس ما اعرف شو يسمونها اذا بغيتي مقاديرها واذا حبيتوا كلكم

[المبدعة]

حبيباتى الغاليات

ملاك الورد ** أوركيـــــــــد

يزاكم الله خير وما قصرتوا

من زمان واحنا ننطر حدّ يحط لنا المقادير والله يابكم

مشكورين واذا في اشياء ثانية وحلوه احنا ناطرينكم

[ملاك الورد]

يا هلا فيج اختي المبدعه لا شكر على واجب
الله يسلمج حبيبتي

[أنستازيا]

خبز الشاباتي ..

المقادير :

4 أكواب طحين رقم 1
4 ملاعق زيت
رشة ملح
ماء حسب الحاجة .. تقريبا كوب وثلث ..

الطريقة :

نعجن المقادير مع بعض عدل لين ما تتكون عجينة متماسكة ..
ونخليها ترتاح شوي تقريبا ربع ساعة ..
وعقب نقسمها كور متساوية ..
ونرش طحين عالطاولة .. ونفردها قد ما نقدر وعقب ندهن الوجه بالزيت ..
بعدين نطبق الاطراف الاربع يمين يسار فوق تحت ..
بحيث يتكون مربع نرشه بطحين ونرجع نفرد بس مب وايد ..
وعقب نقليها في تاوة فيها شوية زيت لين تحمر من الصوبين ..
رهيييييييييييييبة مع الشاي حليب .. اغمسيها فيه وكليها ..

يم يم اشتهيتها الحين .. :)

[عطيات]

تسلمين اختي بنت_الامارات

http://www.bgreetings.com/ecards/everyday_cards/thank_you/24.gif

[ام الغدير]

:cla

السلام عليكم ورحمة الله وبركاته اخت اوركيد اللة يعطيك العافية هذة طريقة الخبز الهندى

[حلومه^^]

هيه هيه هيه هيه..
:clap: :clap:

[أحلي نواعم]

هلا خواتي اشحالكن ...


طريقتي في الجباتي نفس طريقة أنستازيا وفعلا تطلع لذيذه وحلوه

بس عندي ملاحظه للبراتا المقادير نفس الشي بس في فرق بالطريقه تكور وتفرد وتدهن بالزيت وتلف علي شكل مكسر او بيليسه ثم علي شكل دائري مره اخري وتفرد من جديد بحذر وتخبز ...

هذي طريقتي وان شاء الله فهمتوها... ويطلع نفس المطاعم الهنديه